(Note: This posting can be translated by using the Translate Function Button on this Blog)
In Desember 2023 is die volgende berig gepubliseer wat betrekking het op Rulhof van der Merwe ZS4RM:
Bloemfonteinse jong aktiewe radio amateur skud die Rosestad behoorlik wakker!
Lees gerus die bostaande artikel.
Die Suid Afrikaanse Radio Liga (SARL) Nasionale Konvensie het op Saterdag 20 April 2024 te Garden Court Nelson Mandela Boulevard Hotel, Kaapstad plaasgevind. Nou wie en wat is die Suid Afrikaanse Radio Liga?
Die South African Radio Liga (SARL), voorheen bekend as die South African Radio Relay Liga (SARRL), is 'n nie-winsgewende organisasie wat die belange van amateur radio-entoesiaste in Suid-Afrika verteenwoordig. Die SARL verteenwoordig sy lede en alle gelisensieerde amateur radio operateurs in Suid-Afrika en is die nasionale verteenwoordiger van amateur radio wat by tye skakel met die Suid-Afrikaanse Regering.
Dit sluit die bevordering van deregulering en vereenvoudiging van die amateur radio diens, en uitbreiding van die aantal amateurradio operateurs in Suider-Afrika in. Die SARL propageer en bevorder die rol van amateur radio in die samelewing, en bevorder die gebruik van amateur radio in skole as 'n toegangspunt tot die velde van wetenskap en tegnologie. Die SARL is die nasionale lid vereniging wat Suid-Afrika in die Internasionale Amateur Radio-Unie verteenwoordig en is 'n wereld lid van die IARU-Streek 1.
Die doel van die SARL is om alle aktiwiteite wat verband hou met amateur radio, draadlose kommunikasie, rekenaar wetenskap en radio wetenskap in die algemeen aan te moedig, te ontwikkel en te bevorder. Die rol van die SARL is om amateur radio frekwensie toekennings te beskerm, om internasionale welwillendheid en begrip te bevorder. Die SARL bevorder ook erkenning vir amateur radio in alle sfere van die samelewing in Suid-Afrika.
Tydens die afgelope Suid Afrikaanse Radio Liga (SARL) Nasionale Konvensie wat plaasgevind het op Saterdag 20 April 2024 te Garden Court Nelson Mandela Boulevard Hotel in Kaapstad is Rulhof van der Merwe ZS4RM (15) van Bloemfontein met die onderstaande toekennings vereer.
Foto hierbo: Rulhof ZS4RM en sy Vader
1. Die AKYAB Trofee - Vir die verwerwing van die hoogste telling tydens die 2023 HF-foon kompetisie, in sy eerste jaar van gelisensieerde aktiwiteite. Meer inligting oor die toekenning is HIER beskikbaar.
2. Die SARL Jeug Trofee - Vir die jong SARL radio amateur lid, 25 jaar of jonger wat die hoogste totale telling in die drie 2023 SARL HF kompetisies behaal het. Meer inligting oor die toekenning is HIER beskikbaar.
3. Die SARL Amateur Radio Jeug Uitnemendheids Toekenning - Vir jou entoesiasme oor die amateur radio stokperdjie en die projekte waarmee jy besig is. Meer inligting oor die toekenning is HIER beskikbaar.
Baie geluk aan Rulhof ZS1RM met die besonderse prestasie! Wat die prestasie so besonders maak is die feit dat 'n jong radio amateur nog nie vantevore met soveel nasionale toekennings gelyktydig vereer is nie.
Fotos van die toekennings dinee in Kaapstad (Klik op fotos om te vergroot)
Videos:
Wat is amateur radio en will jy graag meer weet?
Amateur radio is 'n goeie manier om oor kommunikasie tegnologie te leer en vriende oor die hele wêreld te maak. Om betrokke te raak by hierdie fasinerende stokperdjie is baie maklik en kos nie n arm en 'n been nie. Jy besluit self hoeveel jy wil spandeer aan die stokperdjie.
Radio amateurs of "Ham's" gebruik twee rigting radio kommunikasie om kontak te maak met ander radio amateurs regoor die wêreld. Hulle kan selfs satelliete gebruik en by geleentheid met ruimtevaarders praat. Radio amateurs kan dit van die huis af doen of terwyl jy mobiel in motors, bote of te voet is.
Radio amateurs het 'n volle reeks of kommunikasie modusse tot hul beskikking. Dit sluit gewone stem, morsekode, talle digitale rekenaar modusse en selfs grafiese modusse soos televisie in. As 'n gelisensieerde amateur radio operateur sal jy kan deelneem aan eksperimente deur al hierdie modusse te gebruik.
Amateur radio kan deur jonk en oud, manlik en vroulik geniet word, selfs die ergste gestremdes kan vriende regoor die wêreld maak vanuit hul eie huis. Hierdie stokperdjie ken geen grense nie.
Hoe word ek 'n radio amateur?
Omdat radio amateurs toegelaat word om 'n wye reeks frekwensies en tipes uitsending te gebruik, moet hulle gekwalifiseerde operateurs wees. In Suid-Afrika, soos die meeste lande regoor die wêreld, word amateur radio deur die Staats Departement van Kommunikasie gereguleer. Lisensiëring word deur die Onafhanklike Kommunikasie-owerheid van Suid-Afrika (ICASA) hanteer.
Suid-Afrikaanse regulasies vereis dat jy 'n kort eksamen moet skryf, wat opgestel is om jou begrip van die basiese beginsels van radio en die regulasies wat amateur radio operateurs beheer, te toets.
Hierdie eksamen is eenvoudig genoeg om te slaag deur enige iemand met hoërskool opleiding en 'n belangstelling in die stokperdjie.
Klik HIER om meer uit te vind oor die eksamen of kontak you naaste amateur radio club in jou area vir meer besonderhede.
