Hoerskool Sentraal in Bloemfontein was gister sommer lekker besig gewees. Nee, dit was nie met skoolwerk of sport nie maar het die Bloemfontein Voortekkers meer geleer oor radio kommunikasie in besonder amateur radio kommunikasie. Onder leiding van die Bloemfontein Amateur Radio Klub (ZS4BFN) het Rulhof ZS4RM, Ettiene ZS4EG en Michael ZS4BHF die Voortrekker Verkenners meer geleer oor amateur radio teorie asook die praktiese toepassing daarvan, beter bekend in die voortrekkers se taal as Radiospraak.
Maar wat behels amateur radio kommuniksie? Radio-amateurs gebruik verskeie radios en modusse (analoog sowel as digitaal) asook VOIP ("Voice Over Internet Protocol") om met mede radio-amateurs reg oor die wêreld heen kontak te maak. Wel nie net wereldwyd nie maar ook met ruimtevaarders aan boord van die Internasionale Ruimtestasie (ISS). Kontakte word deur ARISS ("Amateur Radio on the ISS") gekoordineer. Dit stel jong mense en studente in staat om met die bemanning op die Internasionale Ruimtestasie kontak te maak en vrae oor die ruimte en wetenskap te vra. Hierdie is maar slegs een aspek van Amateur Radio. Die tyd en spasie laat my nie toe om al die aspekte van Amateur Radio hier te verduidelik nie. As jy meer wil weet klik op die skakel hieronder.
Die drie bostaande radio amateurs het ook verskillende radio toerusting / aparaat uitgestal tydens die geleentheid. Daar is ook breedvoerig verduidelik hoe om 'n radio stasie op te rig en dan die toerusting te gebruik om kontak te bewerkstellig met ander amateur radio stasies. Van die Verkenners het ook hul voortrekker radio kentekens verwerf tydens die byeenkoms nadat hulle die vasgestelde vereistes nagekom het. Baie geluk aan die Verkenners wat radio kentekens verwerf het. Dankie ook aan Hoerskool Sentraal en die bostaande Radio Amateurs vir julle bydrae tot die sukses van die geleentheid asook om amateur radio te bevorder !!
Wil jy meer weet oor Die Voortrekkers? Klik HIER
Wil jy meer weet oor Amateur Radio? Klik HIER
Fotos (Klik op fotos om te vergroot.)
